Convocatoria para o módulo 2 do obradoiro: entrelazado.

cartaz_m2

Tralo módulo primeiro, retomamos a formación en sistemas de construción natural coa convocatoria para o segundo, que se centrará na técnica do entrelazado ou pallabarro.

De novo, o módulo proponse cunha duración de dous días e a asistencia é gratuíta, previa inscrición. Desta volta, o número máximo de prazas é de 15 persoas.

módulo 2: ‘entrelazado’

Esta técnica aplícase na construción de particións verticais. Consiste nun bastidor de madeira e mais un entramado interior de ramas, cañas ou barrotes que fai de soporte a unha mestura de palla e barro que, aplicada polas dúas caras, pecha o conxunto. Trátase dunha técnica tradicional moi estendida. Aparece con pequenas variantes na arquitectura popular de diferentes países, entre eles Galicia.

data:    mércores 21 e xoves 22 de xuño
lugar:     O Castro, parroquia de Corcoesto (Cabana de Bergantiños)
imparte:     Marta Salgado (Arqtesanía) (https://arqtesania.wordpress.com/)
organiza:     Hábitat Social, S. Coop. Galega
loxística:     posibilidade de acampar, dispoñibilidade de aseo e ducha, comida por conta de cada un (existe un bar a 1 km e restaurantes a 6 km)

inscrición: info@habitatsocial.coop

Posted in barro, palla | Leave a comment

Convocatoria para o módulo 2 do obradoiro: entrelazado

cartaz_2

Tralo módulo primeiro, retomamos a formación en sistemas de construción natural coa convocatoria para o segundo, que se centrará na técnica do entrelazado ou pallabarro.

De novo, o módulo proponse cunha duración de dous días e a asistencia é gratuíta, previa inscrición. Desta volta, o número máximo de prazas é de 15 persoas.

módulo 2: ‘entrelazado’

Esta técnica aplícase na construción de particións verticais. Consiste nun bastidor de madeira e mais un entramado interior de ramas, cañas ou barrotes que fai de soporte a unha mestura de palla e barro que, aplicada polas dúas caras, pecha o conxunto. Trátase dunha técnica tradicional moi estendida. Aparece con pequenas variantes na arquitectura popular de diferentes países, entre eles Galicia.

data:    luns 21 e martes 22 de xuño
lugar:     O Castro, parroquia de Corcoesto (Cabana de Bergantiños)
imparte:     Marta Salgado (Arqtesanía) (https://arqtesania.wordpress.com/)
organiza:     Hábitat Social, S. Coop. Galega
loxística:     posibilidade de acampar, dispoñibilidade de aseo e ducha, comida por conta de cada un (existe un bar a 1 km e restaurantes a 6 km)

inscrición: info@habitatsocial.coop

Posted in barro, palla | Leave a comment

Nova formación en sistemas de construción natural: ‘Ligth straw clay’ e entrelazado’

cartaz

Aproveitando á incorporación de técnicas construtivas non convencionais na rehabilitación dunha casa de campo que estamos levando a cabo, propoñemos unhas xornadas formativas para dalas a coñecer e afondar nas mesmas.

O ‘light straw clay’ (barro alixeirado) e o ‘entrelazado’ son sistemas tradicionais (o segundo deles, habitual na arquitectura popular galega) de moi baixo impacto ambiental que teñen en común o uso da arxila e da palla. O ‘light clay’ emprégase na construción de envolventes dada a súa boa capacidade illante, mentres que o ‘pallabarro’ ou ‘entrelazado’ axéitase mellor á construción de particións interiores. Despois dos cursos de construción con palla e de recebos e pinturas naturais, onde barro e palla foron os protagonistas, continuamos a presentar as diferentes posibilidades de uso destes materiais.

As xornadas terán un carácter teórico e práctico. Organizaranse en dous módulos, un por cada técnica, ambos de dous días de duración. A asistencia ás xornadas é gratuíta, previa inscrición (independente para cada módulo), sendo 10 o número máximo de prazas.

Lanzamos agora a convocatoria para o primeiro dos módulos, e en breve, teredes información sobre o segundo:

módulo 1: ‘light straw clay’

A técnica consiste principalmente na construción dun cerramento vertical mediante unha mestura de arxila e palla (en diferentes proporcións segundo prime o illamento ou a resistencia) que se coloca entre os montantes dunha subestrutura de madeira, ben directamente empregando encofrados ou ben como adobes. En certos estados dos EE.UU, estes sistema atópase regulado contando con lexislación propia. A mestura máis illante pódese empregar tamén como trasdosado ou como illamento de forxados.

data:    xoves 1 e venres 2 de xuño
lugar:     O Castro, parroquia de Corcoesto (Cabana de Bergantiños)
imparte:     Alex F. Palicio (Arquitecto. DSA terre) tecnoloxia/s apropiada/s (www.tecnoloxiasapropiadas.wordpress.com)
organiza:     Hábitat Social, S. Coop. Galega
loxística:     posibilidade de acampar, dispoñibilidade de aseo e ducha, comida por conta de cada un (existe un bar a 1 km e restaurantes a 6 km)

inscrición: info@habitatsocial.coop

Posted in barro, palla | Leave a comment

Curso de depuración autónoma de augas residuais

cartaz-vertical-A3_peq_2

 

Obxectivos:
- Comprender os procesos de contaminación das augas residuais urbanas
- Desenvolver a capacidade técnica para poder acometer todas as fases de deseño, xestión administrativa, construción e mantemento dun sistema de depuración autónomo doméstico ou de núcleo, con criterios sustentables.

Poñente:
Javier Santiago Díaz, Enx.Forestal. Tp3 Enxeñería Natural (grupo AGUAinc.)

Público:
Persoas relacionadas coa arquitectura, urbanismo, enxeñería, construción ou autoconstrución, e calquera outra interesada na temática. O número de asistentes limitarase a 30 por cuestións de espazo.

Data e lugar: 
26 e 27 de Xaneiro de 16:00 a 20:30 h na Casa da Fariña (Pza Azcárraga 6, A Coruña)

Matrícula: 
Normal: 40 € / Reducida para estudantes, persoas socias de Espiga e pronto pago (ata o 15 de xaneiro): 30 €

Inscricións:
Para inscribirse é necesario envíar un correo electrónico a info@habitatsocial.coop cos seguintes datos: nome e apelidos, dni, dirección e teléfono de contacto xunto co xustificante de ingreso da matrícula no seguinte número de conta:

BIC: CASDESBBXXX       IBAN: ES09 3183 1500 9900 0107 1350

Programa:
Poderá sufrir pequenas modificacións pero fundamentalmente tratará as seguintes temáticas. Descarga aqui: programa revisado

NOTA (actualización 23 xaneiro):
- Ultimas 5 prazas para completar o aforo, disponibles ata este xoves dia 26

Posted in instalacions | Leave a comment

Formación sistemas de construción natural

Hábitat Social, continúa a formación en sistemas de construción natural.
Estamos preparando un obradoiro para finais de verán, e queremos que se adapte o máximo posible ás expectativas que moitas de vós xa nos fixestes chegar. Por iso deixamos aquí un esbozo do que pretendemos facer para que nos deades a vosa opinión sobre os contidos e sobre o calendario proposto.
Pensamos nun obradoiro orientado á autoconstrución, no que en varias fases construiríase a estrutura básica dunha pequena edificación duns 40 metros cadrados, con posibilidade de tocar incluso a execución das instalacións.
O obradoiro sería eminentemente práctico, aínda que pretendemos proporcionar nocións teóricas, tanto xerais (criterios básicos de deseño, aspectos legais…) como concretas sobre os oficios impartidos.

Trataríase, en definitiva, dun Obradoiro de achegamento á construción natural para autoconstrutor@s, que estaría dividido en módulos independentes:

- O primeiro módulo será o referido á estrutura, tocando a palla como elemento estrutural en combinación coa madeira.
- O segundo ocuparíase da cuberta, resolta cun sistema de cuberta viva, ou vexetal.
- O terceiro ocuparíase de acabados, a través dos revocos de barro e as pinturas naturais.
- O posible cuarto módulo sería de instalacións: saneamento, electricidade, produción enerxética, calefacción e fontanería.

O calendario que propoñemos divide o obradoiro en 6 fines de semana, entre os meses de agosto e setembro.
Temos unha ubicación posible para o seu desenvolvemento, na zona de Laracha (comarca de Berganitiños, na provincia da Coruña) aínda que pensamos abrir un proceso para tentar axustar os custos de inscrición, buscando xente interesada en apoiar o curso económicamente coa contrapartida da construción da edificación en terreos da súa propiedade.
Por todo isto, pedímosvos opinións e suxerencias así como que nos mostredes o voso interese, tanto como participantes como hipotéticos promotor@s, no correo info@habitatsocial.coop

Posted in Sen categorizar | Leave a comment

Clausura obradoiro pinturas naturais

Este pasado sábado rematamos o segundo módulo do “Obradoiro de revocos de barro e pinturas naturais”. Lulo López ensinounos cómo facer pinturas coas recetas do seu avó: pintura de cal, de arxila, de ovo, etc. Todos eles, materiais naturais que respectan a nosa saúde e o medio ambente e que podemos facer na casa.

Coma sempre, agraceder a tod@s as participantes o seu interese. Pola nosa parte xa estamos pensando no seguinte obradoiro. Materémosvos informad@s.

obradoiro 076_low Continue reading

Posted in barro | Leave a comment

Remate do primeiro módulo

O barro como argumento e a primavera como excusa. Ao pe do Petón, no Monte Xalo,e xusto a beira da torre de Celas de Peiro, en Culleredo. 25 persoas coas mans e os pes no barro. Houbo tamén tortillas, a paella de Lucas, viño da Casa O Rial, e un gratificante pero intermitente sol de maio.
Así foi que transcurriu unha fin de semana de revocos de barro na que Marta Salgado revelounos novos detalles dun material que permite revestimentos polivalentes, de sinxela adaptación e esencialmente naturais. Agardamos que toda a xente desfrutara e aprendera, polo menos, igual que o fixemos nós.

barro_01

barro_02

Posted in barro | Leave a comment