Arquivos do autor: admin

foto blogue
Deixamosvos aquí toda a documentación do curso de depuración de augas residuais realizado en xaneiro e que impartiu Javier Santiago de Tp3. Agardamos que vos sexa de utilidade!

Presentacións en PDF:
01_Xestión sostible das augas
02_Caracterización das augas
03_Réxime xurídico
04_Xestión das pluviais
05_Tipoloxías de saneamento autónomo
06_Bases da fitodepuración

Grabacións do curso:
Primeira xornada. 26 xaneiro de 2017
Segunda xornada. 27 xaneiro de 2017

Convocatoria para o módulo 2 do obradoiro: entrelazado.

cartaz_m2

Tralo módulo primeiro, retomamos a formación en sistemas de construción natural coa convocatoria para o segundo, que se centrará na técnica do entrelazado ou pallabarro.

De novo, o módulo proponse cunha duración de dous días e a asistencia é gratuíta, previa inscrición. Desta volta, o número máximo de prazas é de 15 persoas.

módulo 2: ‘entrelazado’

Esta técnica aplícase na construción de particións verticais. Consiste nun bastidor de madeira e mais un entramado interior de ramas, cañas ou barrotes que fai de soporte a unha mestura de palla e barro que, aplicada polas dúas caras, pecha o conxunto. Trátase dunha técnica tradicional moi estendida. Aparece con pequenas variantes na arquitectura popular de diferentes países, entre eles Galicia.

data:    mércores 21 e xoves 22 de xuño
lugar:     O Castro, parroquia de Corcoesto (Cabana de Bergantiños)
imparte:     Marta Salgado (Arqtesanía) (https://arqtesania.wordpress.com/)
organiza:     Hábitat Social, S. Coop. Galega
loxística:     posibilidade de acampar, dispoñibilidade de aseo e ducha, comida por conta de cada un (existe un bar a 1 km e restaurantes a 6 km)
inscrición: info@habitatsocial.coop

Nova formación en sistemas de construción natural: ‘Ligth straw clay’ e entrelazado’

cartaz

Aproveitando á incorporación de técnicas construtivas non convencionais na rehabilitación dunha casa de campo que estamos levando a cabo, propoñemos unhas xornadas formativas para dalas a coñecer e afondar nas mesmas.

O ‘light straw clay’ (barro alixeirado) e o ‘entrelazado’ son sistemas tradicionais (o segundo deles, habitual na arquitectura popular galega) de moi baixo impacto ambiental que teñen en común o uso da arxila e da palla. O ‘light clay’ emprégase na construción de envolventes dada a súa boa capacidade illante, mentres que o ‘pallabarro’ ou ‘entrelazado’ axéitase mellor á construción de particións interiores. Despois dos cursos de construción con palla e de recebos e pinturas naturais, onde barro e palla foron os protagonistas, continuamos a presentar as diferentes posibilidades de uso destes materiais.

As xornadas terán un carácter teórico e práctico. Organizaranse en dous módulos, un por cada técnica, ambos de dous días de duración. A asistencia ás xornadas é gratuíta, previa inscrición (independente para cada módulo), sendo 10 o número máximo de prazas.

Lanzamos agora a convocatoria para o primeiro dos módulos, e en breve, teredes información sobre o segundo:

módulo 1: ‘light straw clay’

A técnica consiste principalmente na construción dun cerramento vertical mediante unha mestura de arxila e palla (en diferentes proporcións segundo prime o illamento ou a resistencia) que se coloca entre os montantes dunha subestrutura de madeira, ben directamente empregando encofrados ou ben como adobes. En certos estados dos EE.UU, estes sistema atópase regulado contando con lexislación propia. A mestura máis illante pódese empregar tamén como trasdosado ou como illamento de forxados.

data:    xoves 1 e venres 2 de xuño
lugar:     O Castro, parroquia de Corcoesto (Cabana de Bergantiños)
imparte:     Alex F. Palicio (Arquitecto. DSA terre) tecnoloxia/s apropiada/s (www.tecnoloxiasapropiadas.wordpress.com)
organiza:     Hábitat Social, S. Coop. Galega
loxística:     posibilidade de acampar, dispoñibilidade de aseo e ducha, comida por conta de cada un (existe un bar a 1 km e restaurantes a 6 km)

inscrición: info@habitatsocial.coop

Curso de depuración autónoma de augas residuais

 

cartaz vertical A3_peq_2

Obxectivos:
- Comprender os procesos de contaminación das augas residuais urbanas
- Desenvolver a capacidade técnica para poder acometer todas as fases de deseño, xestión administrativa, construción e mantemento dun sistema de depuración autónomo doméstico ou de núcleo, con criterios sustentables.

Poñente:
Javier Santiago Díaz, Enx.Forestal. Tp3 Enxeñería Natural (grupo AGUAinc.)

Público:
Persoas relacionadas coa arquitectura, urbanismo, enxeñería, construción ou autoconstrución, e calquera outra interesada na temática. O número de asistentes limitarase a 30 por cuestións de espazo.

Data e lugar:
26 e 27 de Xaneiro de 16:00 a 20:30 h na Casa da Fariña (Pza Azcárraga 6, A Coruña)

Matrícula:
Normal: 40 € / Reducida para estudantes, persoas socias de Espiga e pronto pago (ata o 15 de xaneiro): 30 €

Inscricións:
Para inscribirse é necesario envíar un correo electrónico a info@habitatsocial.coop cos seguintes datos: nome e apelidos, dni, dirección e teléfono de contacto xunto co xustificante de ingreso da matrícula no seguinte número de conta:

BIC: CASDESBBXXX       IBAN: ES09 3183 1500 9900 0107 1350

Programa:
Poderá sufrir pequenas modificacións pero fundamentalmente tratará as seguintes temáticas. Descarga aqui: programa revisado

NOTA (actualización 23 xaneiro):
- Ultimas 5 prazas para completar o aforo, disponibles ata este xoves dia 26

Coruña (sub)Mariña

$RUBA9PLPoñemos en marcha (a modo de pre-estrea) a última das iniciativas nas que vimos traballando estes meses:  Coruña (sub)Mariña

http://habitatsocial.coop/corunasubmarina/#home

Fala da memoria desta cidade, en concreto da relación entre ela e o mar. E nace pola preocupación de intuír como hai unha chea de cabos desa relación que se van soltando e perdendo de vista ata desaparecer finalmente. Evitar a desmemoria e axudar a re-coñecer a cidade que habitamos para saber quen somos é o obxectivo desta proposta. Por iso, lanzamos un convite en forma de mapa colaborativo, para que entre todas poidamos sacar a luz esas historias, anécdotas, lugares perdidos, xeitos de vida, topónimos, etc. que nos falan da Coruña mariña e mariñeira, e así recompilalos e agrupalos nun único espazo de referencia.

Ata finais de setembro o mapa non está operativo pero gustaríanos que dende xa comece a ter difusión e que ademais nos fagades chegar suxestións e ideas que axuden a rematar de perfilar e enriquecer o proxecto.

Para que esta cidade deixe de ser (sub)mariña e retorne mariña!

A palleira de Rubián

Dende hai uns meses estamos traballando na recuperación dunha construción tradicional no sur da provincia de Lugo, en concreto no núcleo de Rubián. A construción, que foi unha palleira e parece ser que tamén xa foi vivenda nalgún momento, situase nunha parcela onde existe outra construción chamada a Casa do Pacio e cuxa escala, escapa polo momento ás posibilidades de ser rehabilitada por Roberto e a súa familia, os propietarios.

A idea de Roberto é poder rehabilitala para utilizala como unha vivenda con espazos flexibles nos que nun momento dado poda ter a xente aloxada, facer actividades de grupo, etc. buscando dalgún modo poder fuxir da cidade cara unha alternativa nun entorno rural.

A través das fotos antigas da palleira apreciase como foi unha construción cun grande encanto e multitude de posibilidades para adaptala ao novo uso. Ainda que actualmente se atopa moi deteriorada, a súa planta rectangular e estrutura sinxela, fai que as posibilidades para a proposta sexan múltiples e flexibles.

A pesar de que os recursos son limitados, a ilusión por dignificar un espazo que pertenceu a súa familia e recuperalo dunha morte segura é o que nos motiva principalmente. Ademáis diso, o interese pola utilización de materiais naturais e tradicionais denota a sensibilidade e respeto a un patrimonio esquecido. Con estas premisas, estivemos realizando un anteproxecto para adaptar a palleira ás novas circunstancias conservando a súa estrutura de muros de pedra, forxado e cuberta de madeira con cubrición de lousa de pizarra repectando todo o posible a construción orixinal. Agardamos que poda ser aprobado pola Xunta nun prazo de tempo curto e poder seguir traballando.

Neste senso, queremos amosar a nosa preocupación pola lentitude na resolución dos procesos burocráticos deste tipo de proxectos, o cal repercute no pouco interese da poboación por levar a cabo a recuperación do patrimonio, ademáis de crear desconfianza no procedemento legal de pedir licenza, provocando que as intervencións de rehabilitación en moitos casos se fagan ilegalmente e sen o control da administracion. Gustarianos facer unha chamada de atención tanto a técnicos para que sexan responsables e teñan en conta as necesidades dunha poboación que non ten moitos apoios para poder levar a cabo estas recuperacións, como a políticos para fomentar e axudar á recuperación deste patrimonio.

E nace unha nova cooperativa…

IMG_20150219_135253

Mulleres Colleiteiras é un proxecto de autoemprego para mulleres en exclusión a través da recollida e reciclaxe do aceite usado que naceu hai dous anos da man de Arquitectos Sen Fronteiras co apoio da Asociación de Veciñ@s de Montealto. O obxectivo deste proxecto é a inserción sociolaboral de mulleres dos asentamentos chabolistas das Rañas e A Pasaxe a través dunha actividade que repercute na mellora do medioambiente a nivel local. Dende o comezo do proxecto ata o día de hoxe participaron de maneira voluntaria 23 mulleres, realizando ademais da recollida do aceite, actividades de formación e difusión da iniciativa coa idea de dala a coñecer noutros barrios da cidade e máis alo.

Dende o mes de Setembro de 2014, tivemos a sorte de seguir este proceso dunha maneira máis próxima compartindo a nosa experiencia e participando no acompañamento das mulleres para animalas a dar un pasiño máis constituíndose como cooperativa. A través das sesións de traballo que realizamos co apoio da Rede Eusumo, foron coñecendo qué é unha cooperativa e cómo funciona, para pouco a pouco ir definindo como queren que sexa a súa.

O grupo promotor inicial estará formado por Lourdes e Esther, das Rañas; e Rosa e Josefa, da Pasaxe. Catro mulleres cunha idea clara: buscar unha vida mellor para elas e as súas familias. Elas serán as que comecen a levar as rendas desta nova empresa, pero o resto das 23 mulleres seguirán os seus pasos moi de cerca apoiándoas con labores de difusión e formándose na adquisición de novas habilidades, para que pouco a pouco, cando os beneficios lles permitan acadar un soldo digno a estas catro primeiras, podan ir incoporándose o resto.

Así pois, o pasado xoves 19 firmaron a acta de constitución e os estatutos da nova cooperativa, e aínda que queda moito traballo por diante que facer, dende Hábitat Social podemos dicir que estamos moi orgullosxs de acompañar este proceso tan complexo como satisfactorio, onde compartindo momentos, estamos aprendendo da motivación e das gañas de superación e comprobando dende a primeira liña, a transformación destas mulleres que día a día se senten máis seguras e orgullosas de si mesmas para poder acadar os seus obxectivos.

Ánimo rapazas! Seguimos.

 

IMG_0056_

O Albergue de Selmo

Vimos de rematar un proxecto de reforma para un albergue de peregrinos no Camiño Francés de Santiago. A falta de retoques e pequenos cambios que irán xurdindo co uso, xa podemos amosar algunhas imaxes dos primeiros días de funcionamento. Seguir lendo

DSC_0784

#fuxirdocentro en Arquitecturas Colectivas

Hábitat Social xa está por Valadares botando unha man cos últimos retoques para o encontro de Arquitecturas Colectivas que comeza mañá.

A estas alturas case podemos confirmar a estrutura da mesa de debate #fuxirdocentro. O xoves trataremos de contextualizar e caracterizar este “fenómeno” de proxectos vitais que buscan fóra da cidade a súa oportunidade, intentando adiviñar as súas lóxicas, potencialidade, límites, etc. Para abrir o debate contaremos coa presentación sobre decrecimento de Manoel Santos, e a de Proxecto Caracol. Á mesa engadirase tamén o permacultor César Lema. Seguir lendo