Verificado
A gran colleita do océano
Porto do Golfe
"Toda esta costa é especialmente vizosa en algas e plantas mariñas. Conta o Paroleiro, e outros mariños vellos do Portiño, que antano ata alí acudían xentes de Mera e Sada para recoller algas en zorras e carros de bois e utilizalas como esterco das súas leiras. Esta gran colleita do océano, comezaba no tempo das "escanotadas", o primeiro mar bravo de setembro, que arrincaba o "golfe"-ou canotos- dos fondos e deixaba toda a praia cuberta de algazo. A zona é tan fecunda que entre o Portiño e San Pedro, existe un lugar chamado o Porto do Golfe.
Dentro del sitúase a Furna Cheirenta. Nesta cova mariña concéntranse grandes cantidades de argazo que se corrompen no verán e explican o seu nome."
Fonte:
- XURXO SOUTO, "Contos da Coruña". Edicións Xerais de Galicia, 2001
Amplie categorías
Selecciona o tema correspondente: toponimia | pedra |
Deixar un Comentario